Архи уулгахгүй гэсний төлөө охиныхоо нүдийг сохолжээ

Хан-Уул дүүрэгт энэ эмгэнэлт хэрэг өнгөрсөн ням гаригт гарчээ. Тус дүүргийн тавдугаар хороонд оршин суух Ш.Баярсайханыд найз Зоригоо нь хөдөөнөөс ирж хамт архиджээ. Архины халуунд тэд маргалдаад байхаар нь Ш.Баярсайханы охин 12 настай С 04.00 цагийн үед “Одоо архи уухаа боль” гэж хэлсэн аж. Гэтэл аав нь уурсаж савхаар охиныхоо баруун нүдийг хатгаж гэмтээсэн гэнэ.
Хан-Уул дүүргийн цагдаагийн хэлтсийн ажилтнууд уг хэрэгт эрүүгийн хэрэг үүсгэн шалгаж байгаа бөгөөд шүүх эмнэлгийн дүгнэлтээр охины нүд цаашид хараа орох боломжгүй болсон аж.

12 настай С мэдүүлэгтээ “Аав Зоригоо ахтай маргалдан түүнийг цохих гэж байгаад санамсаргүй миний нүдийг савхаар хатгасан” гэжээ.

Охин аавтайгаа хоёулаа амьдардаг бөгөөд ээж нь тусдаа амьдарч байгаа гэдгийг цагдаагийнхан шалгаж тогтоосон байна.